Opp de 4. PMK en Dietschlaund ha wie veschiedne Oabetsgruppen en Väadräaj. Eene von dee es "Schriewwies".
Meeja Informationen fa de Medienkonferenz, Studienreis en Aunmaldinj hia...

Heinrich Siemens: Oabeitsgrupp Schriewwies
Jebore en oppjewosse enn eene plautdietsche Community enn Lettlaunt. Met 11 Joah noh Dietschlaunt utjewaundat, Abitur enn Neuwied, Studium von Mathematik en Philosophie enn Bonn, aune 2011 Dokta-Oabeit ewa daut Plautdietsche, uck enn Bonn. Von 2007 bit nu too Veasetta vonne Plautdietsch-Freunde e.V., von 2007 bit 2010 Chefredakteur vonne Tietschreft Plautdietsch FRIND. Aune 2007 dem Tweeback-Verlag jejrindt, enn dem Betja opp en ewa Plautdietsch rut jejewt woare (Rudy Wiebe, Jack Thiessen, Lore Reimer, Horst Martens, Elisabeth Epp en aundre).

Enn onse Oabeitsgrupp, woa wie ons soo aus aul opp dee latzte Konferenze enn Paraguay en enn Mexiko Jedanke doarewa moake, woo wie Plautdietsch aus Schreftsproak etabliere tjene. Dee Welt ess too eenem Darp toopjewosse. Wie tjene met Menniste opp Jantsied Puddel rede soo aus ewrem Stakeetetun. Wie lewe enn eene Welt, enn dee meeha jeschrewe woat aus wie daut bit nu too tjande. Erwossne brucke Plautdietsch, om eahre Jedichta, Jeschichte, Breew, Whatsapp-Nohrechte to schriewe, en Tjinja sulle Plautdietsch enne School lehre. Wie woare ons uck Jedanke doarewa moake, woo wie niee Medien, soo aus t. B. Webinoare ennsate tjene, om Plautdietsch aus Schreftsproak nieen Schwung to jewe.

Meeja Informationen fa de Medienkonferenz, Studienreis en Aunmaldinj hia...
Deelnom bloos met Aunmaldinj!


Nies

Medienkonferenz

Leewe Frind en Metuabeda.
De Tiet rant schwinda, aus eena daut haben well. Etj hup, ji haben dem Termin 4. Septamba 2017 aulla en jun Kalenda nenjeschrewen en kume no Mexiko to onse nächste Medienkonferenz.
Wi wellen met de Pluninj de Konferenz aunfangen en wuden ons frejen, wann ji ons june Wensche en Aunrejinje metdeelen, waut wi biem nächsten mul nen nemen selle. Wö saul de Konferenz sene, wöne Teemasch behaundelt en aun waut sel wi ombedinjt dentjen?

Deelt ons daut mejlichst bölt met. Em August fang wi intensiv aun to plunen ;)

Plautdietsche Apps

         

 

 

ewa 70 Aunmaldinje fe de PMK 2

De plautdietsche Medien Konferenz vom 30. Muaz - 2. Aprel en Paraguay - Nielaund talt aul 72 Aunmaldinje. Verdreda vonne plautdietsche Medien komen toop om beta toop to schaufen.

Neuste Neuigkeit

Vom 12.01.15 - 19.01.15 helt Peeta Jisbracht ut Bolivien (Dietschlaund) Erwatjungspredichten en Mexico.

 

Jemende Friedensort KM 21 en Mexico. Hie kaun maun de Predigten aunhorchen.

 

Sponsoren